Vestnes kommune
Forumet blei opna av ordførar Randi Bergundhaugen, før Sunnmøre friluftsråd heldt innlegg om å finne si eiga friluftsglede. Vestnes kommune orienterte om ulike støtteordninger for lag og foreninger og kommunens rolle i slike søknadsprosesser. Deltakarane fekk også sjå korleis innspel frå fjorårets forum har vore med å påverke utforminga av mål og strategiar i kommuneplanens samfunnsdel som blei vedtatt i mars 2025. Kommuneplanens arealdel er no under arbeid, i dette arbeidet skal mål og strategiar frå samfunnsdelen vise seg gjennom korleis vi prioriterer arealbruken i kommunen vår.
Kafébordsdialog og kartlegging
Nærturområde og turstiar er viktige for både trivsel, folkehelse og attraktivitet. Tema for kaféborddialogen var derfor friluftsliv og innspel til korleis kommunen kan ta vare på områder som er viktige for kvardagsfriluftslivet.
Deltakarane arbeide med store kart og peikte ut viktige friluftsområde, turstiar og møteplassar. Dei kom med innspel til korleis ein kan sikre betre tilgjenge, fleire fasilitetar og tryggare ferdsel, særleg for barn og unge. Til saman vart det registrert heile 95 innspel, som no skal brukast både i arbeidet med kommuneplanen og i den komande «Plan for friluftslivets ferdselsårer».
Hovudinnspel
- Bevaring av strandsone og sikring av allmenn ferdsel, også i naustområde
- Ønske om digitale kart og gode turbeskrivingar for alle turar og stiar
- Forbetring og oppgradering av eksisterande stiar med betre merking, rydding og klopping
- Utviding og regulering av parkeringsplassar ved populære turområde
- Fleire offentlege toalett, rastebenkar og bålplassar
- Tiltak for betre trafikksikkerheit og tilrettelegging for gange og sykkel
Vidare arbeid
Alle innspela frå FrivilligForum 2025 blir no ein del av kunnskapsgrunnlaget for vidare planlegging og dei vil prege både kommuneplan og framtidige satsingar på friluftsliv i Vestnes kommune.
Alle innspel frå kaféborddialogen (PDF, 6 MB)