Kommunen har plikt til å tilby plass til barn under opplæringspliktig alder som er busett i kommunen, jf. Barnehagelova sin § 16: "Barn som fyller ett år senest innen utgangen av august det året det søkes om barnehageplass, har etter søknad rett til å få plass i barnehage fra august i samsvar med denne loven med forskrifter."
Barn som fyller eitt år i september, oktober eller november det året det blir søkt om barnehageplass, har etter søknad rett til å få plass i barnehage frå den månaden barnet fyller eitt år. Barnet har rett til plass i barnehage i den kommunen der det er busett.
Rett til plass føreset at det er søkt innan fristen for hovudopptak 1. mars, og at barnet har bustadadresse i Vestnes når det startar i barnehage.
Vestnes kommune har eitt hovudopptak i året. Det må søkast innan fristen for at barnet skal få rett til barnehageplass.
Kommunen kan oppfylle retten på tre måtar:
- Barnet får sitt første ønskje oppfylt
- Barnet får sitt andre ønskje oppfylt
- Barnet får tilbod om annan barnehage i Vestnes kommune
Søkarar som takker nei til slikt tilbod vil ikkje ha rett på plass det aktuelle barnehageåret.
Prioritet ved opptak etter barnehagelova §18
For barn som fyller eitt år innan utgangen av august får rett til prioritet etter §18 berre betydning dersom det er fleire barn som søker same barnehage.
Barn som fyller eitt år etter august, men som har rett til prioritet etter §18 har fortrinnsrett framfor barn som har rett til barnehageplass etter § 16, dersom begge ønskjer plass i same barnehage.
Det er ingen nedre aldersgrense for prioritet etter §18. For rett til prioritet etter §138 blir det krevd sakkunnig vurdering om barnet har nedsatt funksjonsevne eller at det er fatta vedtak etter lov om barneverntenester §4-12 og 4-4 annet og fjerde ledd.
Barn innanfor opptakskretsen med lovfeste rett til barnehageplass etter barnehagelova sin §18 skal alltid bli prioritert først.