Ada er 14 år og har allereie opparbeidd seg fleire år med erfaring som skodespelar i lokale oppsettingar.

Ho brukte mykje av våren og hausten 2025 på å øve til ei av hovudrollene i musikalen «Ringar i vatnet», og bestod med glans. Ho skal igjen ha same rolla som Gerda når musikalen har nypremiere i oktober 2026. Dette krev svært mange timar og dagar med nitidig øving saman med vaksne som spelar større roller. Ho hadde også ei rolle i Postvegteateret i 2023.

Ho jobbar som frivillig i «butikken med det rare i» kvar laurdag fordi ho brenn for design og interiør. Ho var også frivillig som sminkør under barnefestivalen i Osen.

Ikkje minst produserer ho sjølv mykje flott bildekunst i ulike stilartar!

Ada er ei ung jente som brenn for kunst og kultur, noko som ikkje er særleg anerkjent i den aldersgruppa ho er i no, og vi håper ungdomsstipendet vil vere ein fin anerkjenning og motivere henne til å fortsette med kunst og kulturarbeid.

Vi gratulerer Ada med ungdomsstipendet og ønsker henne lykke til vidare!

Synne Alice er 14 år og har over fleire år utmerka seg som et svært stort fotballtalent.

Ho har vore tatt ut til både kretslag og fylkeslag, ikkje berre i sin eigen årsklasse, men også saman med spelarar som er eitt og to år eldre enn henne.

I mars i år vart ho tatt ut til Landslagsskolens talentleir i Sarpsborg for 14-åringar gjennom Norges fotballforbund. Dette er ei svært prestisjefylt samling for dei største talenta i landet. Leiaren for Landslagsskolen i Norges fotballforbund, Håkon Grøttland, uttalte at når mange tusen jenter speler fotball i kvart årskull, og rundt 400 er på kretslagsnivå, er det ein stor prestasjon å bli valgt ut som ein av de 30 beste spelarane i Norge. Spelarane som blir tatt ut er valgt ut fordi dei over tid har overtydd fleire om at dei har eigenskapar som kan ta dei langt.

Synne Alice er dermed vurdert som eit av dei største fotballtalenta i Norge i verdas største idrett. At ho kjem frå ein liten kommune som Vestnes, gjer prestasjonane ekstra oppsiktsvekkande. Dette gjer henne til eit forbilde for andre unge idrettsutøvarar gjennom engasjement, innsatsvilje og målretta arbeid.

Vi gratulerer Synne Alice med ungdomsstipendet, og ønsker henne lykke til vidare!

Torinius er 17 år og har drive med karate i seks år. Han jobbar hardt og målbevisst og har allereie nådd toppnivå i Norge og Skandinavia.

Nasjonalt har han oppnådd 4 NM gull. I tillegg har han 7 gull, 2 sølv og 4 bronser frå ulike regionstemne.

Av internasjonale utmerkingar har han ein bronse frå Swedish open, 2 bronser frå Copenhagen open, og sølv og bronse frå Scandinavian masters.

Torinius vart rangert som nummer 292 i verda etter at han deltok på Youth Leauge i Venezia i 2025. Dette er verdsligaen for dei under 18 år. Sommaren 2026 skal han delta på Youth League i Porec i Kroatia.

Eit av måla han har sett seg innanfor sporten, er å samle så mykje erfaring som mogleg som han kan bruke seinare for å trene dei som kjem etter seg.

Han tenker ikkje på medaljar når han konkurrerer, men er fokusert på oppgåvene trenaren gir han – om han greier å utføre desse oppgåvene i kamp, har han erfart at medaljane følger etter.

Ungdomsstipendet vil han bruke til å kjøpe nytt og oppdatert beskyttelsesutstyr.

Vi gratulerer Torinius med stipendet og ønsker han lykke til vidare!