Nye statsborgere i Vestnes i 2022. Statsforvaltaren   – Som norsk statsborgar lovar eg truskap til mitt land Noreg, og det norske samfunnet. Eg støttar demokratiet og menneskerettane og vil respektere Noregs lovar.

Alle dei nye norske statsborgarane stod medan dei sa løftet høgt. Bjørnsonsalen ved Scandic Seilet Hotell i Molde var full av fargar og fine drakter. Her var personar frå 53 ulike land – mange hadde pynta seg i festplagg frå heimlandet.

1547 personar i Møre og Romsdal fekk nytt norsk statsborgarskap i året som gjekk. Talet har aldri vore høgare. 360 av desse takka ja til å delta på statsborgarseremoni i Molde i dag. Tre seremoniar måtte til for å få plass til alle.

– Velferdsstaten vår bygger vi vidare på kvar dag. De har alle moglegheit til å finne dykkar plass, og til å bidra med kva de har og kan. På vegne av den norske stat, ønsker eg dykk velkommen inn i det fine norske fellesskapet, sa statsforvaltar Else-May Norderhus i sin tale til dei nye statsborgarane. Ordførar Randi Bergundhaugen, som var ein av gjestetalarane, minte om kor viktig det er å ta del i samfunnsfelleskapet og at alle kan bidra til auka mangfald og vidare utvikling av sitt lokalsamfunn.

Ordførar Randi Bergunhaugen var gjestetalar under statsborgarseremonien. Statsforvaltaren