Prosjektet har som mål å styrkje mangfald, inkludering og gode haldningar i lokalsamfunnet.

Filmprosjektet består av tre kortfilmar som skal inspirere til refleksjon rundt korleis vi møter kvarandre i kvardagen. To av filmane er retta mot barn og ungdom og skal brukast i undervisning. Oclin, saman med Institutt for pedagogikk ved Høgskulen i Volda og Vestnes kommune, skal utvikle tilhøyrande refleksjonsoppgåver til bruk i klasserommet. Den tredje filmen rettar seg mot alle innbyggjarar i kommunen.

– Vi ønskjer å vise fram det gode som allereie finst i Vestnes-samfunnet, og korleis vi alle kan bidra til at alle kjenner seg sett og inkludert, seier Mari Nalbant Karadash, prosjektleiar for mangfaldsprosjektet i Vestnes kommune.

Mangfaldsprosjektet har fått støtte og midlar frå Integrerings- og mangfaldsdirektoratet (IMDi). Filmproduksjonen blir leia av Oclin, som har lang erfaring med formidlingsprosjekt innan samfunn, kultur og utdanning. Opptaka blir gjorde på ulike stader i Vestnes kommune, med lokale personar både framfor og bak kamera.

– Det er inspirerande å samarbeide med ein kommune som brukar film som verktøy for refleksjon og positiv endring. Vestnes viser at lokalt engasjement kan skape store ringverknader, seier Kristina Juul Jørgensen, prosjektleiar i Oclin.

For meir informasjon:
Mari N. Karadash, prosjektleiar for prosjekt Mangfald i Vestnes kommune
E-post: mari.karadash@vestnes.kommune.no - Tlf: 99707711

Kristina Juul Jørgensen, prosjektleiar i Oclin AS
E-post: kjj@oclin.no - Tlf: 48225201