Skuleklassar, lag og foreningar kan no tene pengar på strandrydding! Dette er ei ordning som Sunnmøre friluftsråd har med midlar frå Miljødirektoratet. Sunnmøre friluftsråd deler ut midlar så langt budsjettet når, men prioriterer ungdom.

Dette skriv Sunnmøre friluftsråd om ordninga:

Søkarar kan be om å rydde på spesifikke område over heile Sunnmøre. Endeleg utval av ryddeområde vert gjort i dialog med oss i Sunnmøre friluftsråd.

Alle søkarar frå 7. klasse og oppover vert vurdert. Grupper med barn/unge vert prioritert. Av tryggleiksomsyn gir vi ikkje støtte til søkarar under 7. klassetrinn.

Søkarar kan få tildelt 5 000 kroner i motivasjonsmidlar dersom alle kriterium vert oppfylt.

Søknadskriterium

Søkarar må:

• Ha eit organisasjonsnummer (skuleklassar kan bruke skulens organisasjonsnummer)
• Ha lokal tilhøyre
• Rydde i minimum to timar med minimum 10 personar
   

Etter rydding skal aksjonen registrerast i kart i www.ryddenorge.no. Vidare skal rydderapport og faktura sendast Sunnmøre friluftsråd.

Dei som får innvilga søknad vil få meir informasjon tilsendt.

Vi har begrensa midlar. Dersom det kjem mange søknader vert organisasjonar som ikkje har motteke midlar før prioritert før andre (så langt vi har oversikt). Søknadane vert i første omgang behandla etter 1 juni. Pulje to av søknader (dersom det er igjen midlar) vert behandla etter 1 juli. Vidare etter dette, vert søknadar kome inn behandla etterkvart som dei kjem inn.

Søknadsskjema finn du her