Det nye namnet er Råd for personar med funksjonsnedsetting.

Bakgrunnen for namneendringa er at rådet ønskjer eit namn som samsvarer betre med omgrepsbruken i lovverk, forskrifter og nasjonale rettleiingar, og som blir opplevd som meir tidsriktig og inkluderande enn tidlegare namn.

Ønskjer tydelegare og meir inkluderande språk

Frå venstre: leiar Siw Stavik og nestleiar Gunn Anita Valldal i Råd for personar med funksjonsnedsetting.

Vi ønskjer eit namn som er i tråd med dagens språkbruk, og som speglar rolla og arbeidet vårt på ein tydeleg måte, seier Siw Stavik, leiar i Råd for personar med funksjonsnedsetting.

Rådet arbeider for å fremje interessene til personar med funksjonsnedsetting, og gir råd i saker som gjeld universell utforming, tilgjenge og deltaking i lokalsamfunnet.

– Vi håpar det nye namnet gjer det tydelegare kva rådet er, og kven vi er til for, seier nestleiar Gunn Anita Valldal om namneendringa.