Kvifor forslag om ny forskrift?

Kriteria som ligg til grunn for tildeling av langtidsopphald i sjukeheim er forskriftsfesta. Forskrifta for Vestnes er frå 2017. 

I 2025 vedtok Vestnes kommune felles tenesteomtaler saman med dei andre kommunane i Romsdal og Kristiansund. Tenesteomtalene omtaler mellom anna kriterium for langtidsplass på sjukeheim, og på bakgrunn av dette er det utarbeidd forslag til felles forskrift om tildeling av langtidsopphald i sjukeheim for alle kommunane som har delteke i arbeidet med felles tenesteomtaler.

Forslaget legg mellom anna opp til å forskriftsfeste sambuargaranti i sjukeheim.

Kommunestyret fatta vedtak 24.04.2026 om at forslaget til ny forskrift skal bli lagt ut på høyring, i tråd med forvaltningsloven § 37.

Kven kan gje innspel?

Forslaget vert med dette lagt ut på høyring med frist for uttale innan 17.08.2026. Det er opent for alle som ønskjer å sende høyringssvar. Forslaget til ny forskrift vil også bli sendt til einingar i kommunen, aktuelle lag og foreiningar og fagorganisasjonar.

Kor sender du innspel?

Høyringsuttaler sender du til: postmottak@vestnes.kommune.no eller per post til: Vestnes kommune, Brugata 10, 6390 Vestnes. 

Merk svaret ditt «Høyringssvar forskrift».

Kva skjer etter høyringa?

Høyringsuttalene som kjem inn vil bli behandla av administrasjonen, og forslag til endeleg forskrift vil bli lagt fram for kommunestyret etter at høyringsperioden er omme.

Du kan lese meir om saka her:

• Høyring av forskrift om rett til langtidsopphald i sjukeheim eller tilsvarande bustad
• Forslag til Forskrift om rett til langtidsopphald i sjukeheim eller tilsvarande bustad særskild tilrettelagd for heildøgns tenester i Vestnes kommune
• Gammal forskrift om tildeling av langtidsopphald og helse og omsorgstenester i institusjon, vurderingsmoment og vurderingslister m.m.