Kommunestyret har vedteke å renovere sentralkjøkkenet. Arbeidet startar våren 2026, og det er rekna med at renoveringa vil ta mellom 6 til 8 månader. I denne perioden flyttar sentralkjøkkenet matproduksjonen til kjøkkenet og kantina på Aktivitetssenteret. Flyttinga vil skje 13. til 15. april.

Slik blir middagsleveringa i perioden

På grunn av avgrensa kapasitet på det midlertidige kjøkkenet blir middag til heimebuande produsert i Rauma kommune. Maten blir levert som kalde måltid, og må varmast opp heime hos brukaren.

I perioden blir brukarane delte i to leveringsgrupper. Halvparten får maten levert på måndagar, og den andre halvparten på fredagar. Alle middagane ein brukar har vedtak på for éi veke blir levert samtidig.

Når renoveringa er fullført, går ordninga tilbake til vanleg varm middagslevering. 

Oppstart

Første middagslevering med ny ordning blir fredag 10. april og måndag 13. april.  

Innbyggarar som er berørte av endringa fekk informasjon om dette i fjor haust, og har nyleg fått oppdatert informasjon.