Ekstremvèret "Hans" - tips til førebyggande tiltak og kontaktinformasjonGjennom måndagen har kommunen gjort førebuande skadebegrensande tiltak i påvente av uvèret som kan treffe kommunen. Ein oppfordrar til at den enkelte gjer tiltak på eigen eigedom og er generelt oppmerksam på å sikre eigne verdiar. Tips til generelle førebyggande tiltak når vèrsituasjonen er usikker Flytt eller sikre større gjenstandar – spesielt dersom dei er plassert i nærleiken av flaumutsatte område Reinsk takrenner, avlaupsrøyr og slukar og held stikkrenner og andre vassvegar opne Rydd verdiar og elektriske apparat opp frå kjellaren Sjekk om vindu og dører er forsvarleg lukka Unngå å køyre i overvatn utan å vite kor djupt det er Vurder om reisa er nødvendig Gjer heimen klar for potensielt lengre straumbrot Held deg unna bratte skråningar, samt bekkar og bekkeløp med stor vassføring Bistå personar som ikkje sjølv greier å gjennomføre førebyggande tiltak Held deg oppdatert på situasjonen – kommunen vil legge ut oppdatert informasjon Sett deg godt inn i informasjonen om kva du sjølv kan gjere her: Råd til privatpersonar | Varsom.no Kven skal kontaktast? Opplever du problem på privat eigedom, for eksempel vatn i kjellaren, ta direkte kontakt med brannvesenet og eige forsikringsselskap. Ved fare for liv, helse og miljø skal nødetatane kontaktast. Kontaktperson Vestnes kommune: Emil Balstad, tlf. 48 12 54 80, epost: emil.balstad@vestnes.kommune.no Sist endra 07.08.2023 22.09