Vi ønskjer å vise fram mangfaldet, fellesskapet og dei gode menneskemøta som skjer i kvardagen rundt om i kommunen.
Kva slags klipp ser vi etter?
Vi vil gjerne sjå glimt som viser trivsel, samarbeid, inkludering og fellesskap – både i små og store augeblikk.
Det kan til dømes vere:
- Frå arbeidsplassen, til dømes ein vanleg dag, ei lunsjpause, samarbeid i kvardagen eller ei feiring.
- Frå aktivitetar eller arrangement i nærmiljøet, til dømes frå øving, trening eller andre sosiale samanhengar.
- Frå dugnad, kurs eller prosjekt de jobbar med.
Situasjonar frå scena, ute i naturen, på bana, på verkstadet, i butikken eller på kontoret er aktuelle - men også mange andre situasjonar. Det viktigaste er at klippa fangar det gode mangfaldet og fellesskapet i Vestnes.
Nokre enkle tips
- Film gjerne med mobil, ståande eller liggande
- Nokre sekund er nok
- Klippa blir brukt utan lyd, så du treng ikkje å snakke
Slik sender du inn
Last opp videoen her
Samtykke og bruk av opptak
Ved å sende inn video gir du samtykke gjennom Luups til at opptaket kan brukast i Mangfald-prosjektet. Dei innsendte klippa vil inngå som små delar i ein større film som Oclin produserer for Vestnes kommune.
Den ferdige filmen vil vere ein del av kommunen sitt arbeid med å synleggjere mangfald og inkludering særleg innan oppvekst og skule, men kan og kan takast i bruk i ulike samanhengar og platformar.
Alt innsendt materiale blir handtert trygt og i tråd med gjeldande personvernreglar og det er berre Oclin som har tilgang til opptaka.
Har du spørsmål?
Kristina Juul Jørgensen, produsent, Oclin AS – kjj@oclin.no
Mari N. Karadash, prosjektleiar, Vestnes kommune – mari.karadash@vestnes.kommune.no