Blir du mobba?

Dersom du blir krenka eller mobba, er det viktig at du seier ifrå til nokon om det. Du vel sjølv kven du vil snakke med. Du kan til dømes ta kontakt med ein lærar, helsesøster, foreldre, venner, trenarar eller andre du kjenner.

Kva skal skulen gjere?

Alle tilsette ved skulen har plikt til å undersøkje, varsle og eventuelt gripe inn dersom dei får kjennskap til eller mistanke om mobbing, vald, rasisme eller anna krenkjande åtferd.

Skulen skal ved oppmodingar om tiltak frå elevar eller føresette, innan 5 dagar skrive ein aktivitetsplan. Aktivitetsplanen skal innehalde tiltak for å ivareta eit trygt skulemiljø for eleven(ane).

Mobbeombod

Alle fylke har sitt eige mobbeombod. Mobbeombodet skal støtte og rettleie barn, elevar og foreldre slik at desse får ivaretatt sine rettigheiter til eit godt psykososialt miljø i barnehage og grunnskule. 

Kontakt mobbeombudet i Møre og Romsdal

Nyttige lenker

Informasjon om mobbing på Statsforvaltaren i Møre og Romsdal sine nettsider.
Nullmobbing.no - Informasjon til barn, unge og foreldre om mobbing og rettigheter, Utdanningsdirektoratet 
På nettstaden brukhue.com finn du gode råd til barn og foreldre om nettmobbing.  
På slettmeg.no kan du få hjelp til å fjerne ting på nettet.

Regelverk

Lov om grunnskolen og den vidaregåande opplæringa (opplæringslova) Kap. 9A