Borgarleg vigsel Frå 1. januar 2018 er borgarleg vigsel overført frå tingretten til kommunen. I Vestnes kommune er det ordførar, varaordførar, kommunedirektør eller assisterande kommunedirektør som står for seremonien Tid og stad Vigselsseremonien vil bli halden i Vestnes kommune sine lokale på seremonirommet ved Stella Maris. Alternativt kan den bli halden på Frivilligsentralen eller i kommunestyresalen på Rådhuset. Lokala er pynta med duk, lys og blomsteroppsats. Sjølve seremonien tek rundt 15 minutt og det vert opplese ein fast tekst - borgarleg vigselsformular. Vi har plass til om lag 15 gjestar på seremonirommet ved Stella Maris, 20 gjestar på Frivilligsentralen og til om lag 40 gjestar i kommunestyresalen. Kven kan gifte seg borgarleg i Vestnes? Kommunen sine eigne innbyggarar, tidlegare innbyggarar og personar som ikkje er busett i Noreg, men som fyller vilkåra for å inngå ekteskap i Noreg, kan nytte seg av vigselstilbodet. Før vigselen Før vigselen kan finne stad må dette skjemaet vere utfylte og sendt elektroniske til Skatteetaten: Prøvingsattest - erklæring frå brudefolket Tidlegare gift, eller ønskje om å endre namn? Tidlegare gift? Da må erklæring om skifte fyllast ut Endre namn? Prøvingsattest Når skjema er sendt inn og godkjent, vil de motta ein prøvingsattest frå skatteetaten, som viser at de oppfyller vilkåra for å bli gift. Attesten er gyldig i fire månader og må sendast til Vestnes kommune seinast tre veker før dato for vigselen. Under vigselen De må legitimere dykk med pass, førarkort eller bankkort med bilde. De må også ha med to forlovarar eller vitne, som er over 18 år. Kommunen kan stille med vitner innafor ordinær kontortid. Etter vigselen Vestnes kommune sender prøvingsattesten til Skatteetaten. Skatteetaten sender ei stadfesting til dykkar innboks i Altinn på registrert inngått ekteskap. Om du ikkje er brukar av Altinn, vil du få attesten i posten. Ønskjer du vigselsattest på papir? Dersom du som nygift likevel ønskjer ein vigselsattest på papir, vil det framleis vere muleg å bestille ein vigselsattest på Skatteetaten sin nettstad. Bestill kopi av vigselsattest Pris Tilbodet er gratis for kommunen sine eigne innbyggarar, for tidlegare innbyggarar i kommunen og for personar som ikkje er busett i Noreg. Ved vigslar utanom kontortid vil kommunen kunne ta betaling for nødvendige meirkostnadar. Dette er kostnadar som til dømes utgifter til vigslar, transport, oppvarming av lokale eller eventuelle andre utgifter. Kontakt Spørsmål kan sendast til vigsel@vestnes.kommune.no eller ring politisk sekretær/arkivleiar Ellen Forland eller Silje B. Sylte Prøvingsattesten kan leverast på servicekontoret, eller sendast til: Vestnes kommune Rådhuset Brugata 10 6390 Vestnes Sist endra 24.03.2023 23.16