Kva kompetanse har dei tilsette i heimetenesta?
Dei tilsette i heimesjukepleia har både breddekompetanse i grunnleggande ferdigheiter og spisskompetanse på meir avanserte prosedyrar. I tillegg har heimetenesta spesialkompetanse innan demensomsorg, palliasjon, velferdsteknologi og rehabilitering. Eit viktig fokus er å gje brukarane trygg, verdig og heilskapleg omsorg heime.
Kva kan studentane vente seg når dei kjem i praksis hit?
Studentane kan forvente både faglege utfordringar, personleg utvikling og ein svært variert arbeidskvardag. Ein møter brukarar med ulike behov, og hjelper med alt frå enkle daglege gjeremål til medisinsk oppfølging. Ingen dag er heilt lik – og planen kan fort endrast om akutte situasjonar oppstår. Med praksis i heimesjukepleia får du opplæring i både praktiske ferdigheiter, teoretisk kunnskap og haldningar som er naudsynt for å gje trygg, god og verdig helsehjelp heime hjå brukarane. Du kan forvente å få jobba med grunnleggande helsefaglege ferdigheiter som til dømes sårstell, medisinhandtering, hygiene, forflytningsteknikkar, målingar og observasjonar, mat og ernæring. Vi har også fokus kommunikasjon og relasjonsarbeid, etikk og organisering.
Kvifor velje denne praksisplassen?
Studenten kan forvente ein praksisperiode som er variert, lærerik og til tider utfordrande – men også givande og full av erfaringar som gjer deg sterkare både fagleg og personleg. Du vil lære deg å jobbe sjølvstendig og med mykje ansvar, kor ein må gjere raske vurderingar og avgjersler når situasjonar endrar seg. Du vil få mogelegheit til å sjå heile mennesket, ikkje berre diagnosa, med tid til å sjå brukarane i deira eige heimemiljø.
Korleis er rettleiinga organisert?
Alle studentar får tildelt rettleiar før oppstart som følger studenten under praksisperioden. Studentar kan også setjast saman med andre kolleger for litt variasjon. Rettleiar kartlegg studenten sine ferdigheiter og mål, og lager ein opplæringsplan med utgangspunkt i dette. Det vert også gitt ein gjennomgang av journalsystemet vårt. Praksisperioden skal vere strukturert, målretta og tilpassa studenten sin progresjon.
Kven kan kontaktast ved spørsmål om praksis i heimetenesta?
Ta kontakt med einingsleiar Elisabeth Sylte.