Piano er eit tangentinstrument som kan brukast i mange ulike samanheng; som soloinstrument, akkompagnement eller del av ensemble.

Å spele piano er å «være heile orkesteret». Ein lærer å lese G-nøkkel og F-nøkkel, og spele melodi og akkordar samtidig. I timane lærer eleven speleteknikk, stykker, songar, besifringsspel og improvisasjon.

Eleven må disponere eller ha lett tilgang til eit instrument for øving mellom kulturskuletimane, for å oppnå ønska progresjon.

Anbefalt alder fra 7 år og oppover.

Velkommen til pianoundervisning ved Vestnes Kulturskule!

PÅMELDING

Trekkspelet; - kanskje det mest folkekjære (og av somme difor hata?) instrumentet i store delar av 1900-talet!
På denne tida ekstremt populært ("trekkspel i kvart eit hus"...), kanskje fordi det er svært lett å få til dei første melodiane?
Uansett, instrumentet var berande i mesteparten av danse- og underhaldningsmusikken, samt bruksmusikk på grammofonplater og radio. Siste halvdelen av førre århundre vaks ynskjet/ambisjonen om å verte eit meir akseptert instrument til bruk også i klassisk og konsertmusikk, og moglegheiter for utdanning dukka opp.

Trekkspelet vert rekna som tangentinstrument (t.d. "knappetrekkspel"), men er eigentleg eit raffinert munnspel, altso ei metalltunge som vert sett i røyrsle av luft. Det unike bass-systemet gjer det mogleg å spele "komp" (bass og akkord) med berre 2 fingrar i venstre hand, attåt melodien i høgre.

Det magiske ligg likevel i belgen som forsyner stemmene med luft, difor er det eigentleg rettare å tenkje på trekkspelet som blåseinstrument;- ein må ha like god puste- (belg)teknikk som ein blåsar/songar! Meistrar ein dette, er trekkspelet eit utruleg dynamisk instrument, og med ei mengd ulike registreringar har det uttrykksmoglegheiter få andre instrument er i nærleiken av!

Den vakne lesar har no skjøna at her ligg også utfordringa; - ein skal gjere fire ting på ein gong! Trekkspelet skil difor hardt mellom dei som ikkje øver, og dei som gjer det- og får motorikken til å gli, slik at ho/han høyrest ut som eit heilt orkester.

I dag er det heilt naturleg å nytte instrumentet i alle sjangerar; t.d. teater, klassisk, kyrkjemusikk (kan erstatte kyrkjeorgel...), pop, viser, underhaldning, tango, rockeband, osv. osv.

Det viktigaste i tidleg alder, er å tilpasse størrelsen; -for store og tunge spel kan drepe spelegleda! (Det same kan dei billegaste aust-tyske som dreg for mykje luft gjere.....) Kvifor skal borna ha dårlegaste instrumenta?

I kulturskulen i dag spelar vi både solo, duett, samspel som lite orkester, og samarbeid med band og vokalistar- meld deg på, då vel?!

PÅMELDING

Klippekort er eit tilbod til vaksne elevar.

Er du vaksen og har spelt for mange år sidan? Da er kanskje klippekortordninga noko for deg som vil friske opp spelinga igjen!

Har du ikkje spelt før? Du er aldri for gamal til å byrje.

Eit kort kostar kr 2500,- og består av 10 undervisningstimar a 45 minutt.
Denne tida vil kunne gje vaksne elevar ei meir fleksibel ordning. Tida avtales mellom lærar og elev, og kan variere etter eleven sitt ønske og læraren sin kapasitet.

• Klippekortet er personleg og kan ikkje benyttast av andre.
• Eleven må være over 18 år.
• Eit klippekort er gyldig den sesongen det er innvilga (skuleår)

Klippekort er eit tilbod innanfor alle instrument, med atterhald om ledig kapasitet hos lærar.
Ordinære elevplassar for elevar i grunnskulealder vil bli prioritert der det er rift om plassane.

PÅMELDING