Fyll ut søknad og signer. Eventuelt kan verge eller andre med fullmakt skrive under på vegne av deg.

Send søknad med eventuell fullmakt eller kopi av vergemandat til:

Vestnes kommune 
Eining for tildeling og koordinering
Brugata 10
6390 Vestnes

Det er ikkje formkrav til ein søknad om helse- og omsorgstenester, og den kan difor vere både munnleg og skriftleg.

Kontakt Eining for tildeling og koordinering eller Servicekontoret for bistand til utfylling, eller for utlevering av skjema dersom du ikkje har tilgang til å ta ei utskrift. Skjema kan også sendast i post på forespørsel.

For å få tenester er det eit vilkår om rett til naudsynt hjelp til dei som ikkje kan dra omsorg for seg sjølv eller er heilt avhengig av praktisk eller personleg hjelp for å greie dagliglivets gjeremål, jr. Pasient- og brukerrettigheitslova § 2-1a.

Kommunen vil på bakgrunn av ei fagleg vurdering av dine behov avgjere om du får tildelt helse- og omsorgstenester, kva type tenester og omfanget av desse. For å sikre naudsynte og forsvarlege tenester vil din situasjon og ditt bistandsbehov bli kartlagt, og det kan vere aktuelt å innhente nødvendige opplysninger frå søkar, pårørande og samarbeidande partar. Skulle du ønske å reservere deg mot innhenting av opplysningar frå enkelte instansar eller personar ber vi om at du varslar om dette i søknadskjema. 

Det kan ta 4 veker å få behandla søknaden, og svar kjem i post i form av eit enkeltvedtak om tenester. Om tidsramma for ferdigstilling av vedtak må forlengast, vil det bli sendt ut eit brev med foreløpig svar som angir antatt tid for når ein forventar ei avgjersle.

Det blir registrert standardinformasjon om deg som søkjar i IPLOS-registreret, som er eit sentralt helseregister. Alle kommunar er pålagd å registrere informasjon om helse- og omsorgstenester, og desse opplysningane blir anonymisert og sendt inn til til Statistisk sentralbyr årleg.

Dine personopplysningar er taushetsbelagt, og informasjon knytt til din søknad og eventuelle tenester blir lagra forsvarleg.

Kommunen har eit ansvar for å sørge for eit forsvarleg arbeidsmiljø for sine tilsette. Arbeidsplassen skal vere fullt forsvarleg ut frå omsyn til arbeidstakars helse, miljø og velferd, og gjev rett til å ta i bruk naudsynte hjelpemiddel for å unngå uheldig fysisk belastning. Kommunen kan stille krav om å ta i bruk personlege hjelpemiddel for å yte helse- og omsorgstenester i heimen.