Redusert foreldrebetalingDette er ei nasjonal ordning for redusert foreldrebetaling og gratis kjernetid i barnehagen for hushaldningar med låg inntekt. Kven kan få tilbodet? Barnehagar i Noreg, private og offentlege/kommunale, skal ikkje ta meir i foreldrebetaling enn 6 % av hushaldninga si samla skattbare inntekt. Er den samla inntekt lågare enn kr 550 000, har familien rett til redusert månadleg betaling for barnehageplassen. Dersom inntekta til hushaldninga er lågare enn kr 615 590,- pr år, har barn på 2, 3, 4 og 5 år (og barn med utsett skulestart) og rett til 20 timar i veka med gratis kjernetid i barnehagen. Slik søker du Søk om redusert foreldrebetaling Inntekt henta frå skattemyndigheitene Inntekta blir automatisk henta frå skattemyndigheitene. Anna dokumentasjon på inntekt/manglande inntekt må lastast opp som vedlegg til søknaden. Søknadsfrist Søknadsfristen er 15. juni kvart år om du vil ha søknaden behandla innan nytt barnehageår tek til i august. Etter søknadsfristen bli søknadane behandla fortløpande. Slik klager du Klage på enkeltvedtak Dette vedtaket er eit enkeltvedtak som du kan klage på. Klagefristen er 3 veker frå du fekk vedtaket frå kommunen. Du har rett til rettleiing frå kommunen og du har rett til innsyn i dokumenta. Klagen skal grunngjevast og sendast til: Vestnes kommune Brugata 10 6390 VESTNES eller til postmottak@vestnes.kommune.no Formannskapet er kommunen sitt faste klageorgan der det ikkje er ekstern klageinstans (t.d. Fylkesmannen). Lese meir om ordninga? Meir informasjon om foreldrebetaling finn du på Utdanningsdirektoratet sine sider. Sist endra 11.09.2023 11.13