Planleggingsdagen er tid til samarbeid i personalet, i tillegg til fagleg påfyll som er viktig for å gjere barnehagedagen best mogleg for alle barn. Rammeplan for barnehagen seier at barnehagen som pedagogisk samfunnsinstitusjon må vere i stadig endring og utvikling. Barnehagen skal vere rusta til å møte nye krav og utfordringar. Det krev ei stadig utvikling av kompetansen til personalet.

Planleggingsdagar barnehageåret 2023/2024

08.08.2023 og 09.10.2023 er felles planleggingsdag for alle barnehagane i Vestnes kommune. 

Dei tre andre planleggingsdagane blir bestemt lokalt i den einskilde barnehage. Ta kontakt med barnehagen for nærare informasjon om desse dagane.

Ferieavvikling

Om sommaren er barnehagane stengt i 4 veker, som regel tre veker i juli og ei veke i august. 

Barnehagane har ope i romjul og påskedagane etter behovsundersøking. 

Dei kommunale barnehagane held stengt julaften og nyttårsaften. Onsdag før skjærtorsdag stenger barnehagane klokka 12.00.

Sommarferie 2024

Barnehagane er stengt i veke 28, 29, 30 og 31.