Tresfjord barnehageVi er ein liten barnehage lokalisert i Tresfjord i Vestnes kommune. Barnehagen har vore ein del av Tresfjord oppvekstsenter fram til hausten 2020, og held til 1.etasje av det relativt nye skulebygget. Vi er ein einavdelings-barnehage, noko som betyr at vi samarbeider meir mellom avdelingane enn kanskje andre barnehagar gjer. Dette meiner vi gjev barna ein kontinuitet i personal- og barnegruppa, då barna ikkje må flytte til noko nytt den tida dei går hos oss. Til kvardags er vi delt i to avdelingar, men med mykje aktivitet felles mellom avdelingane, både inne og ute. Korleis vi vel å organisera oss varierer etter behov, men som vanleg med ei småbarns- (0-3) og ei storbarnsinndeling (3-6). Dette grunna mellom anna forskjellige behov i rutinar og dagsrytme, samt for å sikre tryggleik, kvile og progresjon for det einskilde barnet. Barnehagen har eigen gapahuk som vi prøvar å nytte så ofte som råd er, og vi har tilgang på fine skogområde og idrettsplass i bygda. Visjon Visjonen vår «eit trygt og godt fellesskap for leik og læring» synleggjer noko av det vi set høgast i vårt arbeid med barn: trygge barn og gode relasjonar. Greier vi dette er grunnlaget sett for ei god utvikling, vekst, progresjon og læring gjennom leik. Slik har vi det Sist endra 12.01.2023 15.18