Alle kommunar i Noreg er plikta til å gjere manntalet offentleg tilgjengeleg slik at du kan kontrollere eigne opplysningar og sende inn klage dersom det er feil i manntalet.

For å kunne stemme ved valet i haust må du stå i manntalet i kommunen. Du blir innført i manntalet i den kommunen Folkeregisteret har registrert deg som busett per 30. juni i år.  Flyttar du til ein annan kommune etter denne datoen står du i manntalet i kommunen du flyttar frå.

Du har stemmerett ved Stortingsvalet dersom du: 

• er norsk statsborgar 
• har fylt 18 år innan utgangen av 2025 
• er, eller har nokon gong vore, folkeregisterført som busett i Noreg 

Manntalet blir lagt ut til gjennomsyn fra ca 10. juli og fram til valdagen på desse stadene: 

• Vestnes bibliotek
• Rådhuset i Vestnes 

Dersom du vil klage på feil eller manglar må du sende ein skriftleg søknad til Valstyret i Vestnes, Brugata 10, 6390 Vestnes.

Tysdag 1. juli startar tidlegstemmegivinga for stortings- og sametingsval 2025. I Vestnes kommune kan du stemme på servicekontoret/rådhuset kvardagar mellom kl. 10.00-14.00.

Du kan tidlegstemme i kva som helst kommune dersom du ikkje har moglegheit til å stemme i den ordinære førehandstemmeperioden eller på valdagen. Tidlegstemmegivinga varar til og med 8. august. Den 11. august startar den ordinære førehandsstemminga.

Hugs å ta med legitimasjon.

Frå 11. august – 5. september kan du førehandsstemme i kva kommune som helst.

I Vestnes kommune kan du førehandsstemme her:

Ta med legitimasjon med bilde når du skal stemme.
 

På valdagen måndag 8. september må du stemme i eit av vallokala i kommunen der du er registrert som busett i Folkeregisteret per 30. juni. 

Alle som stiller liste ved valet, har rett på eit gratis eksemplar av manntalet og eventuellt utdrag av bestemte veljargrupper, som tildømes førstegongsveljarar. 

Valstyret har vedtatt at fristen for å bestille er 1. juli 2025.

Er du sjuk eller ufør?

Dersom du ikkje kan komme til eit vallokale grunna dårleg helse eller av andre grunnar, kan du søkje valstyret i kommunen din om å få stemme heime eller der du held til. Vi vil då kome til deg og ta imot førehandsstemma di. 

Heimestemming skjer i perioden for ordinær førehandsstemming (11.08.2025 - 08.09.2025).

Frist for å søke er torsdag 4. september klokka 12:00.

Søk om hjemmestemming

Ta kontakt med kommunen for å avtale tid:

• ring sentralbordet på telefon 71 18 40 00 i opningstida kl 10:00 - 14:00 eller
• ring valansvarleg Hilde Rekdal på telefon 920 27 939.