Denne gongen gjer vi noko litt annleis. Vi set fokus på det vi får til i Vestnes, og ønskjer å løfte fram moglegheiter, engasjement og framtidstru.

Du vil møte fleire foredragshaldarar enn vanleg, med bidrag frå næringsliv, frivilligheita og andre gode krefter. Målet er å synleggjere breidda av det som skjer i Vestnes og inspirere til vidare utvikling.

Det overordna temaet denne gongen er «Sjå til Vestnes». Temaet handlar om kvifor ein bør rette blikket mot Vestnes: kva vi får til, kva moglegheiter som finst her, og korleis vi kan utvikle lokalsamfunnet vidare saman.

Kven møter du?

• Vestnes kommune
• Bauta Group
• Vestnes Fjordhotell
• Tresfjord og Vestnes Røde Kors
• Prosjektgruppa «Ringar i vatnet», Vestnes teaterlag

Tid og stad

• Torsdag 11. Juni
• Kl. 17:00–19:00
• Vestnes bibliotek

Innbyggardialogen er open for alle, og vi håpar både innbyggarar, næringsliv og frivillige vil delta. 

Som vanleg blir det mogleg å gi innspel til kommunen gjennom gruppearbeid. Resultata blir publiserte på nettsida vår, saman med kva vi gjer med innspela. Du kan lese om tidlegare innbyggardialogar her.

Plakat i samband med innbyggardialogen