Temaplanen er eit viktig styringsdokument som gir ei samla oversikt over anlegg og tiltak som er meldt inn av lag, foreiningar, innbyggarar og kommunen sjølv, og som er aktuelle å utvikle dei kommande åra.

For prosjekt som ønskjer å søkje om spelemidlar er det eit krav at dei står inne i temaplanen.

Kven kan sende inn prosjekt?

Alle som arbeider med aktivitet, kultur og anlegg kan sende inn forslag til prosjekt, til dømes:

• lag og foreiningar
• frivillige grupper
• einskildpersonar
• kommunale driftseiningar

Prosjekta kan vere nye anlegg, oppgraderingar, eller andre tiltak som styrkar deltaking, aktivitet og kulturtilbodet i kommunen. 

Slik melder du inn prosjekt

Innspel/melding om prosjekt sendast til: postmottak@vestnes.kommune.no 

Vestnes kommune registrerer relevante prosjektinnspel fram til fristen onsdag 14. oktober 2026.

Meldinga bør inkludere ei kort prosjektskildring og kva tiltaket omfattar.