Som følge av for lav legedekning i vaktordninga ved Ørskog legevakt, blir det nødvendig å mellombels stenge legevakta i Ørskog i ein avgrensa periode frå 28.12.22 til 01.03.23. Kommunane vil ta i vare innbyggarane sine behov for akuttmedisinske tenester med å auke kapasiteten ved hovudlegevakta på Åse ved behov.

Ørskog legevakt har over lengre tid hatt utfordringar med legebemanninga, der ein også har måtte stenge i kortare periodar. Ytterlegere fråver gjer det no uforsvarleg å halde ope etter 27.12.22.

Kommunane har rekruttert nye legar som startar opp i mars/april månad. Kommunane vil i tillegg bruke perioden til å utarbeide ytterlegare styrkande tiltak for å sikre meir stabil drift når ein gjenopnar Ørskog legevakt.

Ved behov for legevakttenester ringer ein som før 116 117.