Forhandlingsutvalet konstituerte seg i møte 29. mars 2023. Utvalet har valt fastlege og praksiskonsulent Stian Endresen som forhandlingsleiar. I utvalet sit representantar frå både helseføretaket, kommunane og brukarrepresentar. I tillegg deltek ressursar frå KS og sekreteriatet i helsefelleskapet.
Møte i Forhandlingsutvalet.
Oddvar Marøy
Dagens avtale regulerer samarbeidsstruktur, ansvarsfordeling, faglege nettverk og ulike retningsliner i samarbeidet mellom sjukehus og kommunane.
Forhandlingsutvalet ser særleg at det kan verte utfordrande å semjast om avtalar rundt utskrivingsklare pasientar, som det for tida er tvist om forståinga av og som er sendt til nasjonal tvisteløysingsnemnd for å få avklaring på.
Samarbeidsavtalen har eit særskilt fokus på overgangar mellom dei to forvaltningsnivå, og korleis ein skal samarbeide til beste for pasientane. Det vert og lagt vekt på at prioriterte pasientgrupper vert sikra gode tenester og gode pasientforløp..
Forhandlingsutvalet nyttar den nye reviderte rettleiarar for samarbeidsavtalar frå helsedirektoratet. Saman har partane som mål å sikre grunnlag for gode helsetenester til innbyggarane som vert opplevd å vere trygge og samanhengande.
Samarbeidsstrukturen i helsefellesskapet skal sikre medverknad frå fagmiljø, administrasjon, brukarar og politisk miljø.
Regjeringa frå 2019 oppretta helsefelleskap som verkty for systematisk arbeid med utvikling av samanhengande helse- og omsorgsteneste mellom primær- og spesialisthelsetenesta. Helsefelleskapet har ein 3 delt nivåstruktur. I Møre og Romsdal ser denne slik ut :
Partnerskapsmøtet er øvste organ med 1 – 2 årlege møte. På nivået under er strategisk samarbeidsutval samansett med representantar frå dei ulike regionane i fylket. På tredje nivå har ein lokale samarbeidsutval rundt kvart sjukehus og 12 faglege samarbeidsutval som er tversgåande for heile fylket. Som støtte for arbeidet i utvalsstrukturen er etablert eit felles samarbeidssekreteriat.
I kva grad strukturen bygg opp under nasjonale målsettingar vert evaluert som del av prosessen. Dagens samarbeidsstruktur har vore krevjande å etablere og det vert vurdert om ressursbruken står i forhold til vinsten med dagens organisering. Greier ein å utvikle gode pasientforløp med den strukturen som gjeld i dag?
Nokre tilbakemeldingar viser at det har vore vanskeleg å gjere samarbeidsavtalen godt nok kjend, både i kommunane og i helseføretaket. Forankring på politisk-, fagleg- og administrativt nivå og i pasientorganisasjonane, er difor ein føresetnad. Begge helsenivåa er avhengige av kvarande for å lykkast med å løyse både oppgåver ein har felles og oppåver innan eigne ansvarsområde. Gode pasientforløp mellom helsenivåa er noko av det som er avgjerande for pasienten si oppleving av sitt møte med helse- og omsorgstenestene.
Noverande samarbeidsavtale mellom kommunar og helseføretak
Forhandlingsutvalet er slik samansett:
Frå kommunane:
Kjetil Leirbekk – Kommunedirektør Averøy kommune (NIPR)
Cato Innerdal – Kommuneoverlege Molde kommune (ROR)
Guri H. Reiten – Advokat Ålesund kommune (SR)
Ragnhild Aarflot Kalland – Leiar forvaltningskontor Volda kommune (SR)
Eilin Reinaas – Brukarrepresentant kommune
Stian Endresen – Leiar for praksiskonsulentordninga, fastlege i Ulstein kommune
Marianne Stokkereit Aasen – KS-representant, kommunedirektør Molde kommune
Frå Helse Møre og Romsdal HF:
Eli Klara Otterlei – Samhandlingssjef HMR HF
Jan Rino Austdal - Advokat HMR HF
Kjetil Lundberg – HR-direktør HMR HF
Trude G. Solenes – Kvalitetsrådgjevar Klinikk SNR Stab
Paula Ness Skaar - Brukarrepresentant HMR
Sekretariat:
Oddvar Marøy – Samhandlingskoordinator Søre Sunnmøre
Karethe Kristoffersen Aam – Rådgjevar Samhandling HMR