I den offentlege postjournalen finn du inn- og utgåande brev til og frå kommunen. Her kan innbyggarar og andre enkelt følgje med på saker som blir behandla av kommunen. Dokumenta kan lesast i sin heilskap dersom det ikkje er gjort unntak med heimel i lov. Den publiserte postjournalen omfattar arkivdelane eigedom, møtedokument, plan og saksarkiv.

Tiltaket vil redusere talet på innsynskrav, noko som sparer tid og ressursar for mange einingar i kommunen. Samtidig bidreg det til større openheit rundt kommunen si verksemd.

Gode rutinar og ny teknologi gjer dette mogleg

Alle dokument blir kontrollert fleire gonger før dei blir gjorde tilgjengelege i postjournalen. I tillegg nyttar vi kunstig intelligens som eit supplement til dei manuelle kontrollane. Løysinga kontrollerer journalførte dokument og bidreg til å avdekkje sensitive opplysningar før publisering.

Til postjournalen