Bli med og skap juleglede for innbyggjarar i Vestnes kommune! Med auka rente og stigande prisar er det ekstra mange som opplever jula vanskeleg. Mange slit med å få pengane til å strekke til i kvardagen, og då vert det ekstra utfordrande til jul. Med matkasser og julegåver gjennom «Juleglede 2023» håpar vi å kunne gjere jula litt enklare for fleire av oss.
Slik kan du bidra:
- Pynt juletreet på Stella Maris. Du kan kjøpe ei julekule i skranken på biblioteket ved å vipse eit valfritt beløp til Vestnes Røde Kors: 584845. Julekula heng du på treet, og pengane vert nytta til å kjøpe inn julegåver og fylle på i matkassene. Du kan også berre vipse så heng vi opp ei julekule for deg.
- Kjøp litt ekstra julemat og legg i merka handlevogn på REMA 1000, Spar Tresfjord eller Europris.
Dersom du kjenner at ei matkasse eller ei julegåve til deg/familien din kunne hjelpe på din situasjon, håper vi du sender oss ei melding eller ringer oss med ditt ønske. Meld ifrå til Røde Kors, 95 09 33 06 (Silje B. Sylte). Henvendinga di vert behandla anonymt, og vi har teieplikt. Saman finn vi ei god løysing for levering/henting.
Tusen takk for at du bidreg til å skape juleglede og gjere jula litt enklare for fleire av oss!
Arrangør: Vestnes Røde Kors, Tresfjord Røde Kors og Vestnes Frivilligsentral.
Sist endra 28.11.2023 11.09