Den endra søknaden blir send på ny høyring med høyringsfrist 08.06.2026.

Kva blir det søkt om?

NVE avslo søknad om å byggje Urdelva kraftverk i 2018. Søkjar har i etterkant sendt inn ny søknad og utarbeidd fleire alternative utbyggingsløysingar. Sist i 2020. 

Etter førre høyring i 2024 har søkjar endra prosjektet for å ta omsyn til innspel som kom fram i fråsegnene.

I denne søknaden har søkjar lagt fram ei alternativ løysing der heile røyrtraséen ligg på austsida av Urdelva. Den øvre delen av vassvegen er planlagt som sjakt med retningsbora tunnel for å unngå synlege terrenginngrep. Den nedre delen består av nedgravne røyr som følgjer eksisterande veg fram til kraftstasjonen.

Traséendringa er vald for å redusere konflikt med edellauvskog og terrestriske raudlisteartar, og for å ta vare på viktige leveområde for anadrom fisk. Det er gjennomført oppdatert kartlegging av biologisk mangfald og anadrom strekning langs den nye traséen.

• Søknaden og konsekvensutgreiing for naturmangfald er tilgjengeleg på NVE si nettside
• Informasjon om saksbehandlinga finn du på NVE si nettside

Slik sender du inn høyringsfråsegn

Alle som har meiningar om saka, kan sende fråsegn på éin av følgjande måtar:

• via skjema for fråsegn, som de finn på nettsida i saka: (nve.no/8517/v)
• via e-post til nve@nve.no (merk e-posten med «Høyringsfråsegn» og saksnummer 201307468 i emnefeltet, og oppgi namn og organisasjonsnummer i innleiinga om du representerer ei verksemd).
• via brev til NVE, Postboks 5091, Majorstuen, 0301 OSLO (merk brevet med «Høyringsfråsegn» og saksnummer 201307468 i emnefeltet (oppgi namn og organisasjonsnummer i innleiinga om du representerer ei verksemd).

Frist for å sende fråsegn er 08.06.2026