Foredraget handlar om tryggleik, tilknyting og relasjonar. Kunnskap om tilknyting kan bidra til auka forståing av menneske, relasjonar og samspel, og gi større medvit om eiga rolle i møtet med andre.

For barn handlar det mellom anna om å ha trygge vaksne å søkje støtte hos når noko er vanskeleg, og om å få den tryggleiken som gjer det mogleg å utforske, lære, leike og utvikle seg. Behovet for tryggleik, støtte og tilhøyrsle følgjer oss også vidare gjennom livet.

Ida Brandtzæg og Stig Torsteinson har gjennom mange år arbeidd med å gjere kunnskap om tilknyting, tryggleik og relasjonar forståeleg og anvendbar i kvardagen. Mellom anna er dei kjende for arbeidet med Tryggleikssirkelen og satsingane Sjå barnet innanfrå, Sjå eleven innanfrå og Sjå ungdommen innanfrå.

Kven passar foredraget for?

Foredraget er relevant for foreldre, besteforeldre, trenarar, fritidsleiarar, fagpersonar og alle som er opptekne av menneske, relasjonar og samspel.

Tid og stad

• Dato: 17. september 
• Tid: Kl. 17.00-18.30 
• Stad: Vestnes bibliotek 

Arrangementet er gratis og ope for alle

Det blir også halde ei eiga fagleg økt kl. 13.00-15.00, særleg retta mot tilsette innan helse og oppvekst eller andre som arbeider med menneske.

Del av Snakkbart

Arrangementet er ein del av Snakkbart, eit samarbeid mellom Mental Helse Vestnes, 13+, Vestnes kommune ved eining for familie og helse, Vestnes frivilligsentral og Vestnes bibliotek. 

Arrangementet er støtta av Stiftelsen Dam.

Plakat i samband med arrangementet