Den nye løysninga innebær at alle fakturaer blir forsøkt sendt digitalt, som eFaktura, AvtaleGiro, Vipps regning, digital postkasse (Digipost eller eBoks) eller som vedlegg i ein e-post. Dersom dette ikkje er mogleg vil fakturaen bli levert som papirfaktura i postkassa di

Dersom du som kunde har AvtaleGiro, vil også belastningsoppgåva bli forsøkt distribuert digitalt. Den nye fakturablanketten vil ikkje ha noko girodel til brevgiro. Ei god løysning for deg som ikkje har nettbank eller andre digitale løysningar vil da vere å opprette AvtaleGiro, så får du tilsendt belastningsoppgåve i posten.

eFaktura er vår mest foretrukne distribusjonskanal, og vi vil anbefale alle våre kundar å opprette eFakturaavtale i banken. eFaktura sikrar at fakturaen kjem kjapt fram, samt at den er ferdig utfylt så du slepp å taste kontonummer, KID og beløp.

Gjennom den nye løysninga har vi nå moglegheit til å tilby Vipps eFaktura. Dette føreset at du nyttar Vipps, og har aktivert Vipps eFaktura inne i appen

For å motta faktura på Digipost/eBoks fordrar det at du har oppretta ei digital postkasse hjå ein av desse leverandørane. Dersom du allereie har avtale om eFaktura eller avtalegiro med kommunen vil desse vere føretrekt framfor Digital Postkasse.

Ønskjer du å få fakturaen tilsendt som eit PDF-vedlegg til e-post, kan du kontakte oss for å få registrert di epostadresse i vårt system. Vi må presisere at dersom du har andre digitale kanalar som avtalegiro, eFaktura, Vippsfaktura eller Digital postkasse, vil desse bli føretrekt framfor epost.

Dersom vi ikkje får treff i nokon digitale kanalar, vil fakturaen bli levert i postkassa på same måte som tidlegare, og den einaste forskjellen du vil merke, er at utsjånaden på fakturaen er noko endra. Den nye blanketten har ikkje girodel i botnen, så om du ønskjer å nytte brevgiro må du fylle ut ein tom giroblankett. Tomme giroblankettar får du i banken, eller på rådhuset/servicekontoret i kommunen. På rådhuset/servicekontoret kan du også få hjelp til utfylling av giro dersom dette er ønskjeleg.