Vestnes kulturskule tilbyr KorGla i samarbeid med demenskoordinator og frivillige. Øvingane finn stad på på Vestnes frivilligsentral, pårørande har samlingsstad i peisestova under øvinga, og har ei felles kaffepause.

Musikk har dokumentert positive verknader for kognitive ferdigheiter. Forsking viser at både lytting og aktiv musikkutøving kan styrkje verbal flyt, sjølvbiografisk minne og humør. Musikk er òg knytt til betre hjartehelse, lågare betennelsesnivå og redusert stress.

Auka deltaking i musikkliv kan gi eldre meir livskvalitet og meistring, og har stor verdi både i behandling og førebygging av demens. Musikk skaper fellesskap, identitet og tilhøyrsle, og bidreg til å motverke einsemd.

Gjennom KorGla ønskjer vi å leggje til rette for gode opplevingar gjennom song, musikk og sosialt samvær. Pårørande har samlingsstad i peisestova under øvingane, og vi avsluttar med ei felles kaffipause. Slik får både deltakarar og pårørande høve til å møtast i eit inkluderande fellesskap.

Tid og stad

Øvingane er på Vestnes frivilligsentral kl. 17.00–19.00 annakvar tysdag.

Påmelding og kontakt

Ønskjer du å bli med, eller har du spørsmål? Ta kontakt med:

Demenskoordinator
Julie Stokkeland - Julie.Stokkeland@vestnes.kommune.no

Dirigent
Marit-Ellen Lund - marit.lund@vestnes.kommune.no

Bli med og syng i kor. Velkomen!