Folkehelseoversikt for Vestnes
Den sentrale lova på området er folkehelseloven. Etter folkehelseloven §§ 4 og 5 skal kommunen ha oversikt over helsetilstand og faktorar som påverkar befolkninga si helse. Ny folkehelseoversikt for Vestnes er under utarbeiding i samband med ny helse- og omsorgsplan
Målet er å fullføre oversikta i 2026.
Anna kunnskapsgrunnlag for folkehelsa i Vestnes
Folkehelsearbeid
Helsa blir påverka av mange faktorar, som individuelle tilhøve, levekår og samfunnsforhold.
Etter folkehelseloven §4 har kommunen ansvar for å:
- fremme befolkninga si helse og livskvalitet
- fremme gode sosiale og miljømessige forhold
- bidra til å forebygge psykisk og somatisk sjukdom , skade og liding
- bidra til utjamning av sosiale helseforskjellar
- bidra til å beskytte befolkninga mot faktorar som direkte eller indirekte kan ha negativ innverknad på helsa.
Folkehelseloven løftar fem grunnleggande prinsipp for folkehelsearbeid: prinsippet om å utjamne sosiale helseforskjellar, «helse i alt vi gjer», berekraftig utvikling, føre-var prinsippet og medverknad.
Enkelt forklart er folkehelsearbeid samfunnet sin innsats for å påverke faktorar som direkte eller indirekte fremjar befolkninga si helse og trivsel, førebygger psykisk og somatisk sjukdom, skade eller liding, eller som beskyttar mot helsetrugslar, samt arbeid for ei jamnare fordeling av faktorar som direkte eller indirekte påverkar helsa. Det overordna målet er fleire leveår med god helse og å redusere sosiale helseforskjeller.
For å få til dette er det nødvendig med eit tett samarbeid mellom offentleg sektor, næringsliv og frivilleg sektor. Størsteparten av folkehelsearbeidet skjer utanfor helse- og omsorgstenestene, gjennom sosialt berekraftige samfunn prega av tillit, tryggleik, tilhøyre og tilgang til arbeid, utdanning og gode bu- og nærmiljø.
Folkehelsearbeidet skal være langsiktig og systematisk, følge nasjonale føringar og forventningar, ta utgangspunkt i kunnskap om lokale utfordringar og bygge på forskingsbaserte og anerkjente metodar.
Ungdata
Ungdata-undersøkinga blir gjennomført ved alle grunnskulane i Vestnes kommune og på Gjermundnes vidaregåande skule. Undersøkinga vart sist gjennomført i Vestnes i 2024, og viser eit breitt bilde av korleis ungdomane har det og kva dei gjer på fritida si.
Her kan du sjå tala for Vestnes kommune i 2024:
Kva er Ungdata-undersøkinga og kven står bak den?
Ungdata er ei landsdekkande spørjeundersøking. Velferdsforskningsinstituttet NOVA ved Oslo Met (Storbyuniversitetet) i samarbeid med regionale Kompetansesenter Rus står bak undersøkinga, som er finansiert av Helsedirektoratet. Det er kommunane som står for den praktiske gjennomføringa.
Spørsmåla ungdommane svarar på har følgande tema: livskvalitet, vener, foreldre, skule, lokalmiljø, framtid, media, organisert fritid, trening og fysisk aktivitet, helse, rusmiddel, regelbrot, vald og trakassering. Resultata i undersøkinga er eit viktig bidrag og kunnskapsgrunnlag for vidare planlegging og utvikling i sektoren.
Nasjonale faglege råd frå Helsedirektoratet og Helsenorge
Lovgrunnlaget
Folkehelseloven har mange forskrifter. Her følgjer nokre av dei som er mest aktuelle i Vestnes kommune sitt folkehelsearbeid:
- Forskrift om miljørettet helsevern
- Forskrift om oversikt over folkehelsen
- Forskrift om vannforsyning og drikkevann (drikkevannsforskriften
- Forskrift om helse og miljø i barnehager, skoler og skolefritidsordninger
- Forskrift om skadedyrbekjempelse
- Forskrift for badeanlegg, bassengbad og badstu m.v
- Forskrift om hygienekrav for frisør-, hudpleie-, tatoverings- og hulltakingsvirksomhet m.v
- Forskrift om tilskudd til prisnedskrivning av frukt og grønnsaker i grunnskolen