Informasjonspunkt ved bortfall av telefon og internett

Ved større hendingar eller langvarig bortfall av elektronisk kommunikasjon kan kriseleiinga i Vestnes kommune opprette informasjonspunkt for innbyggarane.

Om informasjonspunkt

På eit informasjonspunkt kan ein mellom anna få oppdatert informasjon om situasjonen og kommunen sine tiltak. Informasjonspunkta er ikkje ei erstatning for eigenberedskapen din.

Det finst to typar informasjonspunkt:

Ubemanna informasjonspunkt

Eit ubemanna informasjonspunkt er ein stad der kommunen heng opp oppdatert informasjon på oppslagstavler eller informasjonsskilt.

Informasjonspunktet er ikkje bemanna. Kor ofte informasjonen blir oppdatert, vil variere ut frå hendinga og når det ligg føre ny informasjon.

Her finn du:

  • informasjon om den aktuelle hendinga
  • viktige meldingar og oppdateringar frå kommunen
  • informasjon om kvar næraste bemanna informasjonspunkt er

Bemanna informasjonspunkt

Eit bemanna informasjonspunkt er ein stad der du kan møte representantar frå kommunen og frivillige frå Røde Kors.

Bemanna informasjonspunkt har personell til stades heile døgnet for akutte behov, mellom anna kontakt med nødetatar og grunnleggjande førstehjelp. For generelle spørsmål og andre henvendingar er opningstida kl. 09:00-21:00.

Her kan du:

  • få informasjon om den aktuelle hendinga
  • få viktige meldingar og oppdateringar frå kommunen
  • melde frå om behov eller forhold kommunen bør kjenne til
  • få grunnleggjande førstehjelp
  • få tilgang til satellittnett for viktige gjeremål som å kontakte nødetatar.

Kvar er informasjonspunkta?

Frivilligsentralen, Vestnes

Bemanna

Adresse: Remmemsvegen 2, 6390 Vestnes

Tomrefjord idrettsbygg, Tomrefjord

Bemanna

Adresse: Nybøvegen 2, 6393 Tomrefjord

Røde kors-huset, Tresfjord

Ubemanna

Adresse: Sylteråket 11, 6391 Tresfjord

Vågstranda kyrkje, Vågstranda

Ubemanna

Adresse: Vågstrandsvegen, 6387 Vågstranda

Fiksdal barnehage

Ubemanna

Adresse: Fiksdalsvegen 25, 6394 Fiksdal

Plakat for informasjonspunkt

Trykk her for å laste ned ei utskriftsvenleg oversikt over informasjonspunkta. (PDF, 834 kB)

Den kan gjerne skrivast ut og nyttast på stader der folk ferdast, til dømes arbeidsplassen eller andre møteplassar.