Dette bør du ha heime

God eigenberedskap er ei investering i tryggleik for deg og dine næraste. Norske styresmakter tilrår at flest mogleg er førebudde på å klare seg sjølve i ei veke ved ei krise.

Uvêr, naturhendingar, sabotasje, tekniske problem, terror eller krigshandlingar kan føre til at mange mistar til dømes straum eller vatn, og at det kan bli vanskelegare å få tak i nødvendige varer. Med eit lite reservelager er du betre rusta til å klare deg sjølv dersom noko skulle skje.

Hugs at nokre førebuingar er betre enn ingenting. Har du ikkje alt på plass i dag, kan du starte med det viktigaste, og bygge opp beredskapslageret etter kvart.

Les meir om eigenberedskap på dsb.no

Felles eigenberedskap

Eigenberedskap blir både enklare og betre når ein samarbeider. Vurder å ha ein beredskapsvenn, og snakk med familie, vener og naboar om korleis ein kan hjelpe kvarandre i ei krise. 

Bur du i burettslag eller sameige, kan de også vurdere felles løysingar for utstyr, vatn og annan beredskap.

Les meir om felles eigenberedskap på dsb.no

I ei krise vil mange ha behov for ekstra hjelp og støtte. Tenk gjennom kven du kjenner som kan trenge ei hjelpande hand. Spør om dei har fått informasjon om kva som skjer og om dei treng hjelp. Ver merksam på at personar med nedsett syn, høyrsel, rørsleevne eller helse kan ha behov for hjelp i ei krise.

Legemiddel og førstehjelp

Ei standard førstehjelpspakke og vanlege smertestillande dekkjer dei fleste behova.

Er du avhengig av legemiddel eller medisinske hjelpemiddel, må du snakke med legen din eller apoteket om moglegheita for å ha ei ekstra behaldning. Hugs å sjekke haldbarheita og erstatte det som går ut på dato. 

Tenk gjennom eigen beredskap

• Kva gjer du dersom straumen, internettet eller mobildekning blir borte over lengre tid?
• Har du nok vatn og mat dersom du ikkje får handla på ei veke?
• Kan du lage mat og halde deg varm utan straum?
• Er det personar i husstanden som har særlege behov som må dekkjast?
• Kva kan du gjere no for å vere betre førebudd dersom ei krise oppstår? 

Råd til personar med nedsett funksjonsevne

Har du syns-, høyrsels- eller funksjonsnedsetjingar kan ei krise påverke deg annleis enn mange andre. Tenk gjennom korleis ei krise vil påverke deg.

Les meir om eigenberedskap for personar med nedsett funksjonsevne på dsb.no

I samarbeid med Noregs Blindeforbund har Direktoratet for samfunnstryggleik og beredskap gjort brosjyren om eigenberedskap om til punktskrift og lydfil.

Høyr lydversjonen av «Du er ein del av Noregs beredskap» på blindeforbundet.no

Lagring av vatn

Visste du at vatn kan lagrast i årevis? Det går ikkje ut på dato.

Du treng vatn til både drikke, matlaging og hygiene. DSB tilrår å lagre rundt 20 liter drikkevatn per person. Då dekkjer du minimumsbehovet for ei veke dersom noko skulle skje med vatnet i springen.

Sjølv om vatnet etter kvart kan få litt smak frå plasten eller opplevast mindre friskt, betyr det ikkje at det er helseskadeleg å drikke.

Les meir om lagring av drikkevatn dsb.no 

Brannberedskap

Ein bustad kan bli overtent på fire minutt, og brann er ei hending som kan råke alle.

Enkle førebuingar og jamlege brannøvingar kan gjere både små og store betre førebudde dersom alarmen går, og bidra til å redde liv og avgrense skadar.

Les meir om brannberedskap heime på dsb.no

Eigenberedskap for verksemder

Eit robust næringsliv er ein viktig del av totalberedskapen. Både små og store verksemder bør vere førebudde på hendingar som kan påverke drift og leveransar. 

DSB har samla råd om korleis verksemder kan styrkje si eiga beredskap og bidra til å halde hjula i gang i samfunnet.

Les meir om eigenberedskap for verksemder på dsb.no

Eigenberedskap for kjæledyr

Mange reknar kjæledyr som viktige medlemmer av familien, og i ein krisesituasjon er det ditt ansvar at dei òg blir tekne vare på.

Les meir om eigenberedskap for kjæledyr på dsb.no

Les meir om eigenberedskap for kjæledyr på dsb.no