Atomberedskap

Ei atomhending kan føre til utslepp av radioaktive stoff som kan påverke menneske, dyr og miljøet.

Direktoratet for strålevern og atomsikkerheit (DSA)

DSA er fag- og forvaltningsstyresmakt for strålevern, atomsikkerheit, radioaktiv forureining og radioaktivt avfall i Noreg. Dei er og kompetanseorganet for atomsikkerheit i Noreg.

Les meir om DSA på dsa.no

DSA følgjer situasjonen i Ukraina nøye, og vil saman med Kriseutvalet for atomberedskap avgjere kva tiltak som er nødvendige ved ei hending som kan påverke Noreg. Du blir varsla dersom noko skulle skje som påverkar oss og kvardagen vår.

Matproduksjon

Radioaktivt nedfall i våre område kan føre til forureining av norske matvarer og drikkevatn.

Mattilsynet har saman med Direktoratet for strålevern og atomsikkerheit gått gjennom tiltak som kan vere aktuelle i Noreg ved eit utslepp.

Les meir på mattilsynet.no

Kva kan eg gjere?

Radioaktiv forureining og stråling kan gi helseskadar. Dersom ei atomhending rammar oss, vil Kriseutvalet for atomberedskap komme med råd eller pålegg om korleis vi kan verne oss.

Aktuelle tiltak kan til dømes vere å halde deg innandørs eller ta jodtablettar dersom dette blir tilrådd. Det viktigaste du kan gjere, er å følgje offisiell informasjon frå styresmaktene og ha ein grunnleggande eigenberedskap heime.

Les råd om kva du kan gjere ved ei atomhending på dsa.no

Sist endra 23.10.2026 14:53