Korleis sjekkar eg eigedomen min?

Det finst aktsomheitskart og farekart som viser område der det er potensiell eller kartlagt naturfare. Slik naturfare kan vere:

• Jord- og flaumskred
• Snøskred
• Steinsprang
• Flaum/stormflo
• Marin leire og kvikkleire

Du kan sjølv søke opp aktuelle aktsomheitsområde i NVE si kartløysing, eller du kan kjøpe ei områdeanalyse av eigedomen.

Bestille områdeanalyse

Kva gjer eg om eigedomen ligg innanfor eit aktsomheits- eller fareområde?

Dersom eigedomen du skal bygge på ligg innanfor eit område med muleg naturfare, må du dokumentere tilstrekkeleg tryggleik mot fare før du sender inn søknad. Kommunen kan ikkje gi løyve før tilstrekkeleg tryggleik mot fare er dokumentert. Slik dokumentasjon må utarbeidast av nokon med fagkompetanse på området.

Vi gjer merksam på at kravet til sikker byggegrunn gjeld for alle tiltak, også for tiltak som vanlegvis er unntatt frå søknadsbehandling.

Kor finn eg meir informasjon?

Direktoratet for byggkvalitet har laga ein temarettleiar om krav til tryggleik mot naturpåverknader ved plassering og utbygging i fareområde.

Rettleiaren forklarar kommunen sitt ansvar som forvaltningsstyresmakt i byggesaksbehandlinga. Han forklarar også utbyggjar sitt ansvar, og viser kva sikkerheitsnivå som skal leggjast til grunn ved bygging i fareområde.

Utbygging i fareområde

NVE har laga ein rettleiar for tryggleik mot kvikkleireskred, som du finn her:

Tryggleik mot kvikkleireskred