Helseplattformen

Fleire kommune i Trøndelag og St. Olavs hospital i Trondheim har no tatt i bruk Helseplattformen. Det vil også berøre våre innbyggjarar som tek i mot helsetenester frå St. Olavs hospital.

Kva er Helseplattformen?

Helseplattformen er ein ny, felles pasientjournal for heile helsetenesta i Midt-Noreg. I dag ligg dine helseopplysningar i fleire ulike datasystem som ikkje snakkar med kvarandre. Som pasient må du gjenta di historie for kvar gong du møter ein ny person i tenesta. Med helseplattformen vil du no få ein journal som skal følge deg i alle slags møte med helsetenesta. At helsepersonell har tilgang til rett informasjon til rett tid, samla på ein plattform, vil óg auke di pasientsikkerheit.

Helseplattformen har laga ei side, der du kan få meir informasjon.

Spørsmål og svar om Helseplattformen

Korleis kan eg få tak i min pasientjournal?

Med Helseplattformen kjem også HelsaMi. Det er innbyggjaren sin digitale inngang til helse- og omsorgstenester. Du kan bruke HelsaMi som en app eller som nettside, på PC-en eller på mobil/nettbrett. Her kan du blant anna:

sjå dine helseopplysningar
sjekke legemidlar
bestille time
kome i kontakt med helsepersonell

HelsaMi er klar for nedlasting og vil vere tilgjengeleg med informasjon når St. Olavs hospital tek i bruk Helseplattformen hausten 2022.

Er det trygt?

HelsaMi er like sikkert som nettbanken. Du logger deg inn med BankID, Buypass eller Commfides. Alle har sikkerheitsnivå 4 som er det høgaste sikkerheitsnivået.

Sjekk ut nettsida HelsaMi