03.03.2021: I løpet av veke 9 får kommunen 14 glass av Pfizer BioNTech dose 2, desse dosane blir prioritert til gruppa 80 år og eldre som kjem til vaksinere ei stund framover.

Denne veka får vi også levering av vaksina AstraZeneca - 10 glass. Folkehelseinstituttet har lagt føringar om at desse vaksinane som skal forbeholdast helsepersonell. Kommuneoverlegen har gjennomført ei prioriteringsrekkefølge og desse er i gang med vaksinering:

• Ambulansepersonell
• Personell i legevakt
• Personell i legekontor
• Innsatspersonell som skal delta i massevaksinering
• Personell tilknytta institusjon (Hellandtunet, Vestnes sjukeheim og Tresfjord Trygdeheim)
• Personell tilknytt heimetenestene
• Personell tilknytta Bu-og habiliteringstenestene
• Personell i tannhelsetenesta
• Delar av personell i brannvesen

24.02.2021: I løpet av veke 8 får kommunen 14 doseglass av Pfizer BioNTech vaksinedose 2. Desse dosane blir prioritert til gruppa 85 år og eldre. Det er også svært gledeleg at vi får første levering av vaksina AstraZeneca 10 doseglass som utgjer 100 dosar. Folkehelseinstituttet har lagt føringar om at desse vaksinane som skal forbehaldast helsepersonell. Kommuneoverlegen har vurdert at desse gruppene vert prioritert: vaksineringspersonell, personell tilknytta Hellandtunet, personell tilknytta Vestnes sjukeheim, personell tilknytta Tresfjord trygdeheim, samt nokre tilsette ved heimetenestene.

16.02.2021: 72 personar er fullvaksinert og 276 har fått vaksinedose 1. Kommunen vaksinerer stort sett tysdagar og onsdager. Framover vil vi i hovudsak vaksinere på onsdagar for befolkninga forøvrig. Vi vaksinerer framleis i aldersgruppa 85 år og eldre, og alle blir kontakta pr telefon.
Sjå eigen nyheitsartikkel for meir informasjon.

02.02.2021: Vestnes kommune har vaksinert om lag 112 personar. Denne veke får kommunen levert 20 glass med vaksinedosar. Status i vaksinering er at Vestnes sjukeheim post 3 og post 2 får vaksinedose 2. På Senior Plaza og aktivitetssenteret fortsett vaksinasjonsarbeidet med vaksinedose 1. Vaksinering ut i frå alder: Denne veka vil 48 dosar bli prioritert til dei eldste i befolkninga som ikkje er vaksinert gjennom institusjon.

25.01.2021: Vestnes kommune har vaksinert 86 personar knytt til sjukeheim og institusjon. Denne veka får kommuna levert 10 glass med vaksinedosar. Status i vaksinering er at kommuen startar denne veka å vaksinere bebuarar knytt til Hellandtunet (vaksinedose 2), Tresfjord Trygdeheim og Senior Plaza.

13.01.2021: Informasjon om vaksinering til befolkning vil skje på følgjande måte: Personar over 75 år vert kontakta per telefon. Det vert ellers gjort ei individuell vurdering korleis kontakt vert gjennomført i høve grupper u/75 år.

30.12.2020: Vestnes kommune startar opp med vaksinasjonar av prioriterte grupper i veke 1.  Vestnes kommune får 25 dosar med vaksinen Comirnaty frå BioNTech og Pfizer i veke 1. Dei første som vil få vaksina, er bebuarar ved sjukeheimane i Vestnes.  

Kommuneoverlegen har i samråd med dei nasjonale retningslinjene, laga ei liste der bebuarar ved sjukeheimar får tilbod om vaksina først.

Dette er prioriteringsrekkefølga per no:

1. Bebuarar i sjukeheim og utvalde helsepersonellgrupper
2. Alder 85 år og eldre, og utvalde helsepersonellgrupper
3. Alder 75-84 år
4. Alder 65-74 år, og personar mellom 18 og 64 år med sjukdommar/tilstandar med høg risiko for alvorleg forløp (sjå oversikt frå FHI.no)
5. Alder 55-64 år med underliggande sjukdommar/tilstandar
6. Alder 45-54 år med underliggande sjukdommar/tilstandar
7. Alder 18-44 år med underliggande sjukdommar/tilstandar
8. Alder 55-64 år
9. Alder 45-54 år

Inntil 20% av kommunen sine vaksinar kan gå til primærhelsetenesta. Grunngjevinga er at det er betydeleg større fare for meir smitte dei neste vekene. Denne vaksineringa skal gå parallelt med dei prioriterte, jfr. pressemelding frå FHI den 30.12.20.

Les meir på FHI.no

Koronavaksineringsprogrammet følgjer ansvarsfordelinga i Forskrift om nasjonalt vaksinasjonsprogram og Nasjonal beredskapsplan mot utbrudd av alvorlige smittsomme sjukdommar:

• Kommunen skal organisere vaksinasjonane slik den finn det mest hensiktsmessig for å oppnå høgast mogleg vaksinasjonsdekning i målgruppene, og samtidig sørge for å halde oversikt over kven som er vaksinert. 
• Kommunen skal sørge for å etablere rutiner for samarbeid mellom dei kommunale tenestene som skal sørge for at oppgåver etter forskrifta blir utført, og eventuelle private helsepersonellutøvere som kommunen har avtale med. 
• Kommunen skal gi nødvendig informasjon til befolkninga om vaksinasjonsprogrammet, korleis vaksinasjon er organisert lokalt og kor dei kan få gjennomført vaksinasjon.
• Gjennomføre vaksinasjon av eige helsepersonell.

Vestnes kommune har ansvar for vaksinering for dei som oppheld seg i kommunen. Om du ikkje er folkeregistrert i Vestnes eller har fastlege i anna kommune, ber vi deg om å følgje med på informasjon som kjem via media og heimesidene til kommunen om når di prioriteringsgruppe står for tur.

Hovudmålet med koronavaksine er å beskytte liv og helse til dei som er mest utsett for covid-19 sjukdommen. Det nye koronaviruset gir infeksjon i luftvegane. Dei fleste får ingen eller milde symptom, men nokre blir alvorleg sjuke. Dei eldste og dei som har enkelte andre sjukdommar frå før har størst risiko for å få alvorleg sjukdom.

Ingen vaksinar mot covid-19 blir godkjent for bruk i Norge utan at det er konkludert med at nytten er langt større enn risikoen. Her vil vi fortløpande informere om dokumentert effekt og moglege biverknader ved aktuell tilgjengeleg vaksine som vi får tilsendt og tilbyr.

Comirnaty (BioNTech og Pfizer)

Det er denne vaksinen som er aktuell for bruk først. Vaksinen gis i to doser og gir full effekt ei veke etter dose 2. I kliniske studier har vaksinen vist å gi 95% beskyttelse mot mild sjukdom. Kor godt vaksinen beskytter mot alvorleg sjukdom og smittespredning, samt varigheit av beskyttelse etter vaksinasjon, er foreløpig ikkje klarlagt. 

Biverknadar

Frå studia som er gjort til no er det god kunnskap om vanlege og mindre vanlege biverknader i gruppene som har fått vaksine. Sjeldne bivieknadar kan ikkje utelukkast. Dei fleste biverknadane oppsto dei første dagane etter vaksinasjon, og gikk over i løpet av eit par dagar:

• Dei fleste vaksinerte får smerter på stikkstaden.
• Andre vanlege biverknadar er trettheit, hodepine, muskelsmerter, frysningar, leddsmerter og feber. Desse biverknadane er vanlegere etter 2. dose. 
• Biverknadar er meir sjeldan blant eldre enn hos yngre vaksne.

I dei aller fleste tilfella var biverknadane milde eller moderate. Under 5% fekk meir plagsomme biverknadar som var ufarlege, men som påvirka dagleglivet dei få dagane det varte. Dette var vanlegare etter 2. dose og blant yngre personar. 

Kjelde: Vaksine mot koronavirus - comirnaty (BioNTech og Pfizer)

Per no er signala at Noreg får 420.000 dosar med vaksine i første kvartal 2021. Dei 10.000 første dosane som kjem før nyttår, går til sjukeheimar på Austlandet. Så vert vaksina delt ut til kommunane etterkvart. Vaksinasjon skal først skje på institusjon og sidan i samarbeid med den einskilde sin fastlege. 

I Vestnes startar vi med vaksinering like over nyttår. Det er gratis å ta vaksine mot korona.

Situasjonen kan endre seg, og nye vaksiner kan bli godkjend, noko som kan auke talet på vaksinasjonar.

Førebels er det planar om å gjere vaksineringa ute på institusjonane, og ved fastlegekontor. Det kjem meir informasjon. 

Koronavaksine - informasjon til befolkninga

Video: Korleis blir koronavaksina godkjent?

Informasjonsark om koronavaksinen fra BioNTech og Pfizer (Comirnaty) på fleire språk. 

Koronavaksine på 1-2-3 - informasjonsbrosjyre på fleire språk.