Vaksinerte personar i Vestnes per 12.02.2021

72     Fullvaksinerte personar
276   Vaksinedose 1

Vaksinar

Framleis får kommunen kun levering av Pfizer BioNTech. 

Kommunen vaksinerer stort sett tysdagar og onsdagar. Framover vil vi i hovudsak vaksinere på onsdagar for befolkninga elles. Kommunen får levering av vaksiner tysdagar. Under ser dykk kor mange vaksinerdoser Vestnes har fått siste vekene.

Institusjon og sjukeheim

Hellandtunet: Alle pasientar ferdigvaksinert med vaksinedose 1 og 2
Vestnes sjukeheim, post 2 og 3: Ferdigvaksinert med vaksinedose 1 og 2
Tresfjord Trygdeheim: Ferdigvaksinert veke 7 med vaksinedose 1 og 2

Heimebuande

I veke 7 og 8 blir heimebuande ved Senior Plaza og aktivitetssenteret ferdigvaksinert med dose 1 og 2.

Helsepersonell

20% av vaksinedosane skal gå til helsepersonell etter nasjonale retningslinjer. Det er  kommuneoverlegen som sett opp prioriteringsrekkefølga.

Per i dag er desse gruppene i gang med vaksinering:

• Ambulansepersonell
• Personell i legevakt
• Personell i legekontoret
• Helsepersonell vil få tilbod om vaksine fortløpende

Befolkninga elles

Vi vaksinerer framleis i aldersgruppa 85 år og eldre, og alle blir kontakta per telefon.

Framdrift

Kor raskt vi greier å vaksinere kjem an på kor mange vaksinar kommunen får. Per i dag får vi tildelt vaksinar ut i frå innbyggjartal med levering x 1 per veke. Informasjon om doser og levering får vi som regel ei veke før, nokre gongar før. Dette gjer det utfordrande å planlegge.

Plan for vaksinering

Alle kommunane i landet har fått i oppdrag frå Statsforvaltaren å etablere tiltaksplan for coronavaksinering av befolkninga. Tiltaksplanen er eit «levande» dokumentet som skal evaluerast undervegs i prosessen. Planen er inndelt i ulike område som beskriv framdrifta rundt arbeidet.

Arbeidsgruppa består av kommunalsjef helse, kommuneoverlege, vaksinekoordinator og avdelingsleiar ved helsestasjonen.

Helsepersonell som kan delta i vaksinering

Vestnes kommune har etablert ei portefølje av helsepersonell som står klare til å vaksinere (opptrekk av vaksine, setting av vaksine og registrering av vaksine). Innsatspersonell er inndelt i vaktlag. Vaktlag vert iverksett av arbeidsgruppa etter avklaring for kor mange vaksinedosar kommunen får.