Dagsenteret Strandbo
Dagsenteret Strandbo gir dagtilbod til ca. 35 personar frå kommunen. Dagtilbodet er variert, men samtundes individuelt tilrettelagt. Brukarane av Dagsenteret har svært ulikt funksjonsnivå, difor er også aktivitetane mangfaldige.
Dagsenteret produserer og sel vevde, broderete og strikka produkt. Ei utegruppe produserer og sel ved.
Vi driv også ei kantine. Kantina er ein del av Dagsentertilbodet. Kantina sel middag på onsdag og fredag. Dei leverer mat til interne møter i kommunen. I tillegg til ein rikhaldig lunsjmeny.
Dagsenteret administrerer utkøyring av mat frå sentralkjøkkenet. Dette er ein populær aktivitet blant brukarane av dagsenteret.
På dagsenteret er det også ein bruktbutikk. Her kan du levere brukte ting, eller kjøpe brukte ting for ein billig penge.
Ikkje alle brukarane av Dagsenteret er istand til å produsere noko, og for dei har vi ei eiga avdeling som fokuserer mykje på det sosiale, eit avbrekk på dagen, og andre alternative sansestimuleringar. Vi har mellom anna eit eige sanserom.
Sjå også: Dagsenteret Strandbo på Facebook
|
(Hidden) Ansatte - tabell
|
|
|
|
|