Skulefritidsordning
I inneverande skuleår er det skulefritidsordning ved alle dei kommunale grunnskulane i Vestnes.
Ordninga er eit tilbod til elevar på 1. - 4. steget og funksjonshemma born på 1. - 7. steget. Vestnes kommune eig og driv skulefritidsordninga, men det er den einskilde skule som tek seg av opptaket for si eining. Søknadsskjema og nærare informasjon får ein difor ved å vende seg til skulane.
Driftsleiar er fagleg og administrativ leiar for skulefritidsordninga. Dei større einingane har i tillegg ein dagleg leiar.
Kommunestyret fastset satsane for foreldrebetaling, og dette politiske organet har vedteke vedtektene som til ei kvar tid skal gjelde for ordninga.
Det er viktig å merke seg at oppseiing bør skje skriftleg. Oppseiingstida er 2 mnd., og gjeld frå den 15. i komande månad. Seier ein opp plassen etter 1. april, må ein betale for denne ut skuleåret.