Helse

Under tema Helse vil du finne informasjon om dei helsetenestene som vert gitt i Vestnes kommune.

Lege/kommunelege 1 er medisinsk fagleg rådgjevande og tilsett av Vestnes kommune og denne personen skal vere kommunen sin rådgjevar i alle spørsmål som vedkjem helsetilhøva til kommunen sine innbyggarar.

Kommunelege 1 har ein sentral rolle i det samfunnsmedisinske arbeidet i kommunen. Dette omfattar:

Epidemiologisk arbeid
Kommunen er pålagt å ha oversikt over helsetilstanden blant innbyggarar. Dette gjeld både fysisk og psykisk helse.

Førebyggande medisin - sosialmedisin og medisinsk sosiologi
På bakgrunn av kunnskapen om innbyggarane sin helsetilstand skal kommunen kartleggje tilhøve som kan verka ugunstig på helsetilstanden og da del i planlegginga og
tilrettelegging av førebyggande tiltak. I dette ligg planlegging og drift av helsestasjon, skulehelsetenesta, eldreomsorg og generell helseopplysning.
Forstå og foreslå tiltak som forklarer og betrar tilhøvet mellom innbyggarar og helsetenesta i kommunen.

Miljøretta helsevern'
Ha kunnskap om og vurdere biologiske, fysiske, kjemiske og sosiale risikofaktorer i miljøet. Det føreset oppfølging av tilhøve som verkar på miljøet med systematisk
og regelmessig tilsyn med verksemder og tilhøve som kan tenkjast å påverke miljøet.

Helseplanlegging administrasjon
Ta del i planlegging av helsetenesta i kommunen. Dette gjeld i alle dei aspekta som Kommunehelsetenestelova nemner som ein del av den helsetenesta som
kommunen plikter å ha.
Vere rådgjevar overfor andre kommunale etater i planarbeidet når dette kan påverka miljøet slik at det kan påverke folks helse.
Ta del i kommunal sakshandsaming i saker som vedkjem folks helse i vid forstand.
Kommunlege 1 skal ha tilsynsfunksjon i høve anna helsepersonell som arbeider i kommunen.