Oversikta viser område som har lett tilkomst. Kommunen har elles mange fine område for tur og rekreasjon. Spesielt vil vi nemne dei mange nedlagde setrane våre.
Gjermundnesholmane
Området omfattar: Skogkledd strandområde samt nokre mindre holmar med spreidd vegetasjon. Området er fint for bading og fisking. Fleire gravrøyser langs stranda. Skilting frå Europaveg 136 til parkering ved sjøen på Bakneset. God idyllisk hamn mellom Gjermundnesholmane.
Vikesetra, Daugstadsetra m/ fjellområde
Bomvegar til Vikesetra (Vikebukt), Daugstadsetra og Sessetra . Utgangspunkt for turar i skog og høgfjellsterreng. Eigna både for fot- og skiturar. Turløyper til Innfjorden, Måndalen og Vågstranda. Fiskevatn i området.
Øvstedalen - Pjusken
Storslått turterreng best eigna for sommarutfart. Bomveg frå Øvstedalen til midt i lia. Parkering. Merka sti til Pjusken i Stordal (5 t). Fiskevatn i området.
Kjersemfjellet
Bilveg (til Vaksvik) som ikkje er open om vinteren.
Fint fjellområde for utfart både sommar og vinter. Setrar, hytteområde, fiskevatn.
Utgangspunkt for å nå Lauparen som er ein kjend fjelltopp i Vestnes kommune.
Løviksetra m/fjellområde
Bomveg frå Løvik. Kort til fiskevatn og høgfjell. Fleire setrar i nærområdet.
Ørskogfjellet
Populært vinterutfarstsområde, men og utgangspunkt for fotturar sommarstid. God gangveg til Måslia m/Jutevatnet. Gode parkeringstilhøve (P-avgift om vinteren). Skisenter, kafe, hotell, setrar og hytter i området.
Hellandsetra m/ Remmemstinden - Ystetinden - Brustinden
Sommar- og vinterturområde i det velkjende "Moldepanoramaet." Fiskevatn i området. God veg i lett terreng til Hellandsetra som har skogsbilveg/bomveg med gode høve til parkering. Same fjellområde kan også nåastvia ein skogsbilveg med påfølgjande tursti frå Flate (der det er parkering mot avgift), eller via merka sti frå Vik i Tomrefjord (ca. 200 m frå Trohaugen)
Remmemsvik badeplass
Eigar: Vestnes kommune
Badeplass med sanitæranlegg. Parkering v/ nye Helland skule
Kråkneset friluftsområde
Eigar: Vestnes kommune og staten
Området omfattar: Nærtur- og badeområde søraust i Flatevågen. Småkupert terreng med åpen storvaksen furuskog og fin lyngbotn.. Tilkomst frå Helland, industriområde i Kråkvika, eller bustadfelt. Nettverk av opparbeidde stiar i skogen og langs stranda. Badestrand vest for Kråkneset, sanitæranlegg, gapahuk.
Hagneset badeplass og friområde
Grunneigar: Vestnes kommune
Hagneset Vel har disposisjonsrett over området
Området omfattar: Anlagt badestrand med sandbotn. Sanitæranlegg og leikeplass for barn.
Åsfjellet
Toppen byr på fin utsikt både over Vestnes sentrum og nordover mot Molde og Julsundet. Åsfjellet kan spesielt anbefalast for småbarnsfamiliar, og den flotte gapahuken på toppen kan vere eit greit mål og lokkemiddel for dei yngste turdeltakarane. Opparbeid parkeringsplass i Åsbygda.
Leirvågen friluftslivområde
Eigar: Vestnes kommune og staten
Området omfattar: Leirvågen og Furneset med gode bade- og fiskeplassar. Åsnakken med lett turterreng i skogmark og myr. Godt eigna for turar både sommar og vinter. Oppgangar m.a. frå Øygarden/Åsbygda
Bolungneset, Nerås
Gravrøyser i strandområdet
Vikfjøra badeplass
Eigar: Privat - Vik Velforening har ansvar for vedlikehald
Området omfattar:Parkeringsplass, badestrand og sanitæranlegg
Tomrefjellet
Område både for sommar og vinterutfart. Fiskevatn, setrar og hyttegrender. Skogs- og fjellterreng. Lette fotturar til Svartløken og Ørskogfjellet. Bomveg frå Tomrefjord. Parkering på Tomrereset som er utg.punkt for m.a. Sandfjellet
Nakkedalen/Nakkereset
Fint turterreng for utfart både sommar og vinter. Fiskevatn. Frå Botnavatnet sti til Skjerdingsvatnet. Frå Krogsætra merka sti til Blåskjerdingen med svært flott utsikt (2-3 t). Tilkomst m/parkering fylkesvegen Fiksdal-Vatne
Rekdalsetra m/fjellområde
Utgangspunkt for fleire turar som er skilta og merka. Godt merka sti til Rekdalshesten i lett fjellterreng. Fossevatnet, Røvarhytta i Langedalen og Urdfjellet er andre turalternativ. Bomveg frå Rekdal opp Rekdalsdalen til setra.